Mehefin 27ain, Dydd Llun

Ar ben Bell Lane roedd car wedi parcio. Roedd dyn yn eistedd ar gadair blygu wrth ymyl stôf wersyll a bag dogfennau agored. Roedd o'n gwisgo het Banamâ a siwt ddu. Roedd golwg rhyfedd am 6.30 yn y bore. Yn fuan roedd yr haul yn danbaid. Ro'n i'n falch iawn o gyrraedd Whittaker Wood. Mi wnes i lithro drwy'r coed fel lyncs ifanc. Mi gyrhaeddais dôl yn llawn blodau a gloynod byw a phyfed llwyd ond doedd fy nghroen ddim yn ymateb i'r brathau.
Aderyn y dydd: Pioden y mor. Roedd sawl pioden yn swnllyd uwchben Llyn Hollingworth. Doedden nhw ddim yn edrych yn gartrefol yna.
Blodyn y dydd: Tagwygbysen.
Saig y dydd: Lumaconi â saws cig eidion, madarch, Marsala a thomatos.
Cwrw y dydd: Banks Bitter yn y Clwb ar ôl Pwyllgor Arolwg ac Archwiliad sydd dim yn gyffroes iawn.

Mehefin 26ain, Dydd Sul

Roedd hi'n gymylog a llwydaidd yn y bore ond roedd yr haul yn tywynnu wrth i mi dynesu at Gronfa Rooden. Roedd gylfinirod yn crio ar bob llaw. Roedd y llwybr yn llithrig a mi gwympais i er gwaethaf fy ffyn. Efallai bydda i'n gyfarwydd â disgyn efo ymarferiad. Neu fydda i'n ddu las. Roedd dynes glên efo ceffyl mewn fan geffylau a thri ci gwyllt neu gefeillgar yn fferm Edge Gate. Mi ddes i cytuno â Jon Comyn-Platt ger Cronfa Ogden. Roedd o'n mynd â chi mawr a gwlanog am dro, ci ei ferch o, ond roedd y ci yn rhy hen i ddringo'r bryniau. Fy frind o Blaid Llafur Milnrow and Newhey ydy Jon. Mi helpodd o i ddosbarthu taflenni a chanvasio yn yr etholiaeth lleol.
Aderyn y dydd: Cog yn crio ger Fferm Tunshill.
Blodyn y dydd: Gwyddfid llaeth yn Higher Ogden.
Saig y dydd: Frittata â ricotta, olifau a brenhinllys.
Cwrw y dydd: Timothy Taylor's Best Bitter yn The Old Bridge Inn, Ripponden, yn ôl pob tebyg tafarn y hynaf yn Swydd Efrog. Mae'r Best Bitter well gen i na Landlord.

Mehefin 24ain Dydd Gwener

Cynhelwyd noson cwis yng Nghlwb Llafur Rochdale.
Cwrw y dydd: Cumberland Ale yn y clwb a Bristol Beer Factory No 7, ar ôl i mi dychwelyd adre.
Saig y dydd: Siancen cig moch â phys slwtsh.

Mehefin 22ain Dydd Mercher

Roedd y taith cerdded yn byr heddiw. Roedd rhaid i mi mynd â Marion i'r clinig clyw, Tŷ Nye Bevan yn Rochdale am brawf ei chymorthion clywed hi. Felly mi es i i lawr Lôn Llydw (neu Onn) i'r Afon Beal. Roedd y llwybr yn orchuddiedig â thyfiant, yn cynnwys danadl poethion, ac yn wlyb a llithrig.

Aderyn y dydd: Nico. Mae llawer o Nicos ym mhobman.

Blodyn y dydd: Meillionen coch.

Saig y dydd: Chorizos â gwygbys â saws tomato.

Cwrw y dydd: Dim diferyn o gwrw o gwbl. Ro'n i'n teimlo'n sâl. Mi es i i'r wely am saith.

Cân y dydd: Allan o dy ben. Meinir Gwylim. Dw i ddim yn anghyson.

http://www.mapmywalk.com/routes/view/38415494

Mehefin 21ain Dydd Mawrth

Mi ges i fy neffro gan fy ngwraig am 5.30yb. "Mae Smotyn (y gath) ddim wedi bod adre y noson y gyd," meddai hi. Felly cerddais i'r strydoedd amgylchynol ond roedd o wedi dod adre ar ei ben ei hun. Wedyn es i am dro. Gwelais i bioden yn rhedeg ar ôl gwiwer ar wâl ar Kiln Lane. Mi es i drwy Peanock, lle oedd Edwin Waugh, bardd tafodiaeth Swydd Gaerhirfryn 1817-90, yn byw.

Aderyn y dydd: Gwyach fawr gopog. Ar Llyn Hollingworth. Dim Gwyach big-frith o gwbl yn anffodus.

Blodyn y dydd: Tresgl y moch.
Saig y dydd: Pwdin bara menyn efo ciabatta, cyrens, bricyll sychion a mwyar goji.
Cwrw y dydd: Dau beint o Thwaites Wainwright yn y Crocbren efo Geoff ac Ian.
Cân y dydd: Siwgwr i'r tân Meinir Gwilym

http://www.mapmywalk.com/routes/view/38287800

Mehefin 20ain Dydd Llun

Penderfynais i gwneud tro byr y bore 'ma oherwydd roedd fy nghroth coes dali i boeni. Pan o'n in gweithio roedd fy nhaith bore'n parhau am un awr. Heddiw roedd hi'n heulog. Gwelais i sawl aderyn bach brown ar wifrau telegraff. Codais fy spienddrych o'r sach teithio. Wrth gwrs roedden nhw'n mynd i gyd. Bydda i'n gwisgo fy spienddrych o gwmpas fy ngwddw yn y dyfodol. Dw ddim isio bod golwg ecsentrig arna i. Cynghorydd ydw i, wedi'r cwbl. Erbyn hyn mae gen i siorts (ond dw i ddim yn gwisgo fy hosan cywasgiadol am thrombosis gwythiennol dwfn efo siorts), trwyn coch, barf wen a fynn nordig. Pan o'n i'n gweithio roedd rhan o'r daith lleidiog iawn yn agos nant fach islaw coed helyg. Rŵan mae'r cyngor wedi gosod cerrig a rhybudd ynglŷn â beisiclau modur.

Aderyn y dydd: Yswidw benddu.

Blodyn y dydd: Briwydd wen. Ar ben cloddiau sychion, yn edrych yn syml a siriol.

Saig y dydd: Cyw iar a Brie. Yn y Swan Hotel, Whalley.

Cwrw y dydd: Hen Harrier, Bowland. Yn y Swan Hotel.

Mehefin 17eg Dydd Gwener y Sulgwyn

Roedd hi'n braidd yn oer am chwech o'r gloch yn y bore. Yn fuan ro'n i'n chwysu a chwythu, yn arbennig ar y lôn uwchben Higher Ogden. Ar y ffordd adre wnes i tynnu cyhyr croth coes felly ro'n i'n hercio adre.

Aderyn y dydd: Gwennol y bondo yn ymosod pioden yn eistedd ar bolyn telegraff, Kiln Lane.

Blodyn y dydd: Pabi Cymreig, Clwb Golff Tunshill.

Saig y dydd: Pysgod a dim sglodion o siop tsips yn Delph yn ystod cystadleuaeth band pres Dydd Gwener y Sulgwyn Saddleworth.

Cwrw y dydd: Icicle, Greenfield Real Beer Company o Clwb Band, Delph. Dw i wedi angofio faint o beint. Gormod, beth bynnag. Ro'n i'n hapus yng nghwmni llawer o gyfeillion.

Cân y dydd: Yma o hyd, Dafydd Iwan. Beth bynnag dw i'n meddwl fy mod i.
http://www.mapmywalk.com/routes/view/37842322

Mehefin 16eg Dydd Iau

Roedd dau gi hwyliog iawn yn agos Schofield Hall y bore cymylog 'na. Rhedon nhw ata i. Roedd eu perchennog ymddiheuriol. Roedd o'n gwisgo crys a thei. Efallai roedd o'n barod i fynd i'w swydd. Mi gerddais i o Orsaf Reilffordd Smithybridge trwy Clegg Hall adre er mwyn cael gwybod os dylwn i fynd y ffordd honno i Fancenion.

Aderyn y dydd: Ehedydd yn canu ger Syke.

Blodyn y dydd: Bysedd y cŵn, pinc a gwyn.

Saig y dydd: Cole slaw. Ffa llydain a bresychen goch.

Cân y dydd: Disgwyl rhywbeth gwell i ddod, Meic Stevens.

Cwrw y dydd: Exmoor Ale yn y Crocbren.

http://www.mapmywalk.com/routes/view/37730526

Mehefin 15fed Dydd Mercher

Mi penderfynais gwisgo fy siorts. Roedd hi'n bwrw glaw mân. Mi welais i hen ddyn blin yn rhedeg o gwmpas Llyn Hollingworth. Mi ganais i, "Good morning," ond roedd o'n dal yn flin. Dw i'n ceisio bod fel fy Aelod Seneddol, Simon Danczuk. Mae o'n cerdded o amgylch y bwrdeistref yn gwisgo ei siwt ddu, crys gwin a thei coch, yn codi llaw ar bawb ac yn gweiddi, hêlo cariad. Mi wnaeth o hynny yn y carnifal Milnrow. Mi wnes i gario'i ambarél o. Dw i ddim yn meddwl bod dw i'n wleidydd cynhenid. Dw i'n swnio fel Blodwen Jones bob dydd. Mae Blodwen yn hunanobsesiynol ac yn blagus iawn.

Aderyn y dydd: Crëyr glas yn ymosod gan brân rhwng Llyn Hollingworth a Rakewood.

Blodyn y dydd: Llygad llo mawr ger Llyn Hollingworth.

Saig y dydd: Uwd efo iogwrt groegaidd gartre ac afalau.

Cân y dydd: Geraint Griffiths, Jiwbili.

Does dim cwrw y dydd. Onest. Ond bydda i'n gwneud iawn am hynny Dydd Gwener.

http://www.mapmywalk.com/routes/view/37615580

Mehefin 14eg Dydd Mawrth

Roedd y bore heddiw yn heulog. Roedd y cerrig gwlyb ar y llwybr yn ddisglair. Mi edrychais i i fyny ar yr olion anwedd (contrails) yn yr wybren las. Dw i ddim yn genfigennus rŵan. Rhedodd heibio merch efo adargi cochlyd. Roedd hi'n denau iawn, bron yn esgyrnog. Mi wnes i'r un daith â ddoe. Pan dw i'n cerdded, dw i'n meddwl a dw i'n ceisio cyfieithu fy meddyliau yn Nghymraeg. Mae gen i iPhone efo app Mapmywalk. Mae o'n rhoi y map ar Facebook yn awtomadig efo pellter, cyflymder ayyb. Braidd yn glyfar.

Aderyn y dydd: Gylfinir ger Cronfa Norman Hill.

Blodyn y dydd: Blodeuyn ysgaw. Dw i isio gwneud jam eirinen Fair.

Saig y dydd: Samosas yn y cyfarfod heddiw.

Cân y dydd: Meinir Gwilym eto, Dim Byd a Nunlla.

Cwrw y dydd: Cumberland eto yn y clwb eto.
http://www.mapmywalk.com/routes/view/37483642

Mehefin 13eg Dydd Llun

Wrth fod mi wnes i ddeffro yn gynnar, penderfynnes i mynd am dro. Ro'n i'n cerdded llawer, gormod efallai, yn ystod ymgyrch yr etholiad lleol, yn dosbarthu taflenni a canvasio ond ers hynny dw i i fod i eistedd ar fy mhen ôl mewn cyfarfodydd pwyllgorau. Dw i'n gwybod bod ymarfer yn yr awyr iach yn dda at iechyd corfforol a meddyliol. Felly, penderfynes i cerdded bob bore am chwech o'r gloch am ddwy awr. Pan o'n i'n gweithio, ro'n i'n cerdded a rhedeg bob bore. Hefyd, roedd rhaid i mi colli helfa drysor Caerwys dydd Sadwrn a ro'n i'n teimlo'n ddigalon arna i. Mi gerddes i efo fy ffyn Nordig a fy esgidiau cerdded. Ro'n i'n hapus iawn er gwaethaf y glaw gyrru yn golchi'r chwys o fy nhalcen yn gwneud llosgi fy llygaid.

Dw i wedi cyhoeddi fy mwriadau da ar fy mlog i, felly mae'r holl fyd yn gwybod, felly rhaid i mi parhau.

Sgrech y coed ydy aderyn y dydd, ger Cronfa Piethorne.

Gellesgen felen ydy blodyn y dydd, ar y ffordd ger Clwb Golff Tunshill.

Potel Jennings Cumberland Ale ydy cwrw y dydd, yn Clwb Llafur Rochdale ar ôl cyfarfod hyfforddiant aelodau.

Saig y dydd: Mangos Pacistanaid. Cawson nhw eu brynu yn marchnad Rochdale heddiw.

Cân y dydd: Gorffen gan Meinir Gwilym.